س1: ازاى اضيف النجوم لصفحتى وزرار الـ Check-in ؟ وازاى اضيف عنوانى كامل ؟
بص يا سيدى علشان تضيف النجوم “Star Rating” لصفحتك و زرار الدخول “Check-in”، وتخلى الناس تقيم صفحتك. هتعمل خطوتين: أ) هتختار تصنيف صفحتك “شركة محلية” Local business. ب) تضيف عنوانك للصفحة.
علشان تغير تصنيف صفحتك “لشركة محلية” :
1- هتروح على “تعديل الصفحة” الموجودة فى اعلى الصفحة وهتختار منها “تحديث معلومات الصفحة.
2- دوس على فئة واختار الفئة الأساسية “شركات محلية” بعد كدة حدد التصنيف التانى بنوع نشاطك ودوس “حفظ التغيرات”.
وعلشان تضيف عنوان شركتك وبطريقة ضح، اعمل الآتى:
نفترض ان العنوان بتاعنا: 102 ب شارع المرغنى مصر الجديدة
1- هتروح على “تعديل الصفحة” الموجودة فى اعلى الصفحة وهتختار منها “تحديث معلومات الصفحة.
2- اضغط على “عنوان” واختار من خانة العنوان فوق “يقع داخل مكان اخر”.
3- ابحث بعنوانك واختار اقرب مكان مجاور (فى الحالة بتاعتنا “مصر الجديدة”) واختار المحافظة واكتب الرقم البريدى، واضغط على “حفظ التغيرات”.
4- دلوقتى انت ضفت العنوان. بس لسه مش كامل.
5- اعمل تعديل مرة اخرى للعنوان. واختار من خانة العنوان “العنوان” واكتب عنوانك كامل. يمكنك كمان تحريك “الدبوس” الموجود على الخريطة لتحديد مكانك بالظبط. ومتنساش انك تعلم صح على المربع الاخير “Show map, check-ins and star rating on the page”.
ملحوظة: لو كنت كتبت عناونك بشكل كامل من اول مرة عنوانك هيظهر عادى، بس مكنش هينفع تضيف النجوم ولا check-in
0 التعليقات